Government of Timor-Leste

SEFOPE

Direccao Nacional Emprego Exterior

SEFOPE-DNEE Fahe Perfíl Pesoál Ba Kandidatu Traballadór Swp Munisípiu Dili Ni’an Ne’ebé Passa Hó Valor A no B

Dili, 18 outobru 2021- Sekretáriu Estadu Formasaun Profisionál no Empregu SEFOPE liu-husi Diresaun Nasionál Empregu Exteriór DNEE hahú iha loron 13 outobru 2021 fahe perfíl pesoál ba kandidatu traballadór SWP (Seazonal Worker Program) Munisípiu Dili ni’an ne’ebé tuir teste fiziku iha tinan 2020.

Iha intervista Diretór Diresaun Nasionál Empregu Exteriór, Filomeno Soares hateten kandidatu traballadór Munisípiu Dili ni’an halo ona selesaun iha tinan 2020 maibé naran sedauk tama ba iha sistema Work Ready Pool, tanbá ne’e SEFOPE liu-husi DNEE aselera prosesu ne’e hodi refere kandidatu sira ba iha sistema Work Ready Pool.

Diretór ne’e mós afirma faze dahuluk sei fahe perfíl pesoál ba kandidatu sira ne’ebé tuir teste hetan valor A no B hodi priense, no sei kompleta tán kartaun vasina tuir kritértia ne’ebé empregadór Austrália fó.

Entretantu kandidatu sira ne’ebé passa ho valor A no B hamutuk ema na’in 3.714 (rihun-tolu-atus-hitu-sanulu-resin-haat) konpostu husi mane 2.604 (rihun-rua-atus-neen-haat) no feto 1.110 (rihun-ida-atus-ida-sanulu).

Tuir orariu perfíl pesoál hahú distribui iha loron 13 outobru 2021 no sei remata iha 29 outobru 2021, no sei hahú submete fila-fali iha 4 to’o 25 novembru 2021.

SEFOPE-DNEE, Becora

18-10-2021